喇沙大少 (Closed)

昨天同同事出去食晏,本來係打算食PIZZA OR泰國菜的,但係一出電梯,看到這間喇沙大少,看看餐牌及冇人帶位,所以來了這裏. 新開的餐廳,環境都OK,唔算好大. 但都好夠光.我們四個人分別叫左兩個馬來雜菜喇沙及兩個馬來海鮮喇沙, 同事飲拉茶及拉啡,我飲凍檸茶.都幾快就到,先嚟雜菜,後嚟海鮮,都幾大碗,賣相都幾吸引,雜菜都有些紅蘿白,芽菜,雞蛋,豆卜,西蘭花等,都好足料的,麵係鴛鴦的,有油麵及米粉. 我的海鮮係有大蝦,蜆,雞柳,魚蛋,豆卜及雞蛋. 蝦好大隻,每樣都有三件的呀. 不過,湯底唔夠濃味,淡左少少及沒有喇沙的感覺,食唔出好喇沙的味道.蝦都好爽口,有膏,蜆肉都OK,魚蛋好味,爽身的,蟹柳唔係即食果種,我唔係好鍾意兩種麵加埋一齊,好奇怪的感覺. 我們另外還點左一份杏仁蝦餅一齊食,勁大份,有六件切開的蝦餅,味道可以說是一般,好似有點粉的感覺,冇咩蝦的味道.同事話杯拉茶同拉啡都好一般,冇咩分別的,甜品係一件蛋糕仔.有一樣嘢要讚的係我們隔離枱的兩個食客明明叫左一碗魚蛋麵,佢話唔係想食呢D,係想食喇沙,叫仕應幫佢換過, 仕應都好爽快應承, 這是以客為先的態度.