スーパー丼 (駱克道) (Closed)

開係銅鑼灣既餐廳都有一定質素，係附近行開街見到呢間「superdon」，見餐單d丼既刺身好似好正，而且又和牛牛扒就同男友入左去食晚餐啦。特上北海道海鮮丼（$268）：呢個特上真係好豐富，有吞拿魚大拖羅、油甘魚、帆立貝、海膽及三文魚籽。各類刺身鋪滿丼上。大拖羅油脂甘香入口爽口。油脂平均分布於魚肉上，正！海膽分量都幾多下，而且好新鮮，味道甘甜，口感細滑且入口即溶。三文魚籽大粒又新鮮，食落「爆汁」。而帆立貝既擺位值得一讚，用檸檬片相隔，增加帆立貝既鮮味。不過珍珠米飯就相對硬和乾身了少許，改善一下就更配搭了。✨推薦✨北海道玉子黑松露和牛丼（$268）：和牛牛扒分量足，煎到7成熟，肉質柔軟，和牛香濃既牛脂入口後慢慢溶於口腔中，真係好正！再配上玉子及混合的黑松露，更能增加和牛的香氣。二百幾蚊嘆到呢個級數既牛扒真係好值得！！日式餃子（$38）：日式餃子味道唔錯，不過個底可以再煎香少少就更好。雜錦天婦羅（$138）：有蝦、竹筴魚、冬菇、秋葵、茄子、南瓜和蕃薯。分量唔算多，整體蛋味濃厚，蛋漿唔會過厚。茄子、蕃薯和南瓜切片都算薄，幾好味。竹筴魚其實幾好味，不過蛋味有點遮蓋了竹筴魚的鮮味，有點可惜。Supe