稻香超級漁港 (鳳德商場) (Closed)

又係我啊， 今次黎飲早茶。裝修服務唔多提，都係一般以上茶樓貨色。星期六放假同阿爸阿媽阿女去稻香飲早茶 ， 十一點前結帳都係早茶時段，算長喎。限聚令放寬一桌四人，唔使再分檯。原來稻香都咁高科技，已改用手機下單。阿公阿婆為咗食當然難唔到佢哋。點咗個海底粥，鴛鴦雙潮（ 牛肉球拼鯪魚球） 食物質素有改善喎。呢個綠色嘅芋香餅（唔記得真名叫咩添）阿女就最開心啦熱辣辣加上芝麻粒，香口。脆皮叉燒包 ，外型似菠蘿包， 西式叉燒包。