Will's Coffee (Closed)

Will's Coffee 由一對年青 couple 主理，蚊型店兩邊各有一張窄窄嘅吧枱，提供三數個堂食位，面積雖小，但卻放置咗唔少擺設，盡顯心思。由於有工作在身，唔敢飲奶啡，於是點咗個西柚氣泡咖啡，呢杯嘢真心幾正，咖啡香濃不澀，西柚汁口感清新，充滿果香，本來偏甜，經過咖啡同梳打水中和後，味道剛剛好👍。朋友叫咗抹茶牛奶，佢話幾好飲，我見杯嘢賣相佳，奶泡綿密，拉花靚，水準應該唔錯。聽聞佢哋啲 bagel 好好食，下次要試下。