捌壹公館 (Closed)

今晚同朋行過這邊比我們發現間唔錯嘅西餐廳，店舖門面好有工業感，入面光猛，雖然地方都唔數大，但枱椅都座得舒適，而A LA CARTE Menu上有不同口味選擇，店員推介了特色食物，小食就係孜然風味原隻單骨雞翼，師傅將雞翼變成單骨後，入口一啜雞肉同骨就分開了，香脆雞翼上撒了孜然風味，入口十分惹味！而主食就係麻香海鮮扁意粉，店員推介嘅選擇，上枱見到大大碟分量十足，有彈牙爽口大蝦，還有不同海鮮配料夾雜在彈牙扁意粉內外，還有脆身松子仁，不得不讚嘅麻香汁，入口帶麻香但不會覺得辣，而且個汁沾滿了每一條扁意粉，非常入味！食完又會帶點微微回辣嘅感覺，平時食唔到麻辣嘅朋友，這款麻香海鮮扁意粉真心推介！飲品就係這杯鮮奶桂花，入口香濃幼滑，啖啖都有清新嘅桂花味道，一樣擺放精緻，上下兩層分開，可在這裡享受到慢活生活！在這裡可感受到小店中店員同師傅對食物嘅熟悉度及服務態度殷勤嘅誠意！