新之食 (永星里)

Open Now

Now Closed

📍      新之食🌍      油麻地永星里1G-1H號地舖📝整體評分： ９／１０廟街行完無咩野好食，是旦入左間。招牌無精緻包裝，但內籠乾淨光猛，似係新開，最重要勁用心製作，好多野都好好食又便宜又大份。✿ 煎餃雙拼•超級好食煎餃，一咬落去就會慨嘆新鮮呢2個字。豬肉白菜同韭菜蝦仁兩款餡料，金黃香脆，皮薄而韌，帶輕微焦香，內餡多汁，超鮮甜，尤其是韭菜。✿ 招牌扎肉•厚實足料扎肉，油香十足而且爽彈juicy，香脆不過火~ ✿ 蠔仔豬潤粥 •蠔仔新鮮肥美，份量又多；豬乾爽滑無腥，粥底滿滿海鮮鮮甜，米粒煮少少爛開保留顆粒口感。平時打冷食蠔仔粥有一碗/一窩叫，呢個係一窩既size先$5x，抵食到喊!!!

✿ 沙嗲金菇肥牛手工麵•手工麵好彈牙滑溜，口感好到想買返屋企煮，沙嗲濃郁卻不死咸，加左洋蔥炒出黎，帶花生香同甜味，肥牛好入味又嫩滑。好飽足，絕對可以2份食又唔會餓！✿ 東坡肉•半肥半瘦五花肉，肉質軟腍入味，肥而不膩，帶濃郁醬油甜香。正常發揮，但無其他菜式咁比到驚豔我。