Lee House Restaurant

秋風起，又係食大閘蟹嘅時候，噚晚一家大小去咗李公館食飯，估唔到李公館嘅大閘蟹隻隻都好肥美，爆晒膏，我哋一共食咗13隻，連阿女都話好多膏！
仲有個蟹粉蘿蔔糕，上枱時仲聽到熱辣辣嘅「吱吱聲」，蘿蔔糕上佈滿蟹粉，食落啖啖香濃嘅蟹粉味⋯⋯
而個白蘿蔔卜卜蜆好鮮甜，同外脆內軟嘅冰鎮咕嚕肉，大人、小朋友都好鍾意，一件不留，睇得出佢哋用心製作！
老火湯嘅杏汁豬肺湯，超得！個湯有杏汁味，豬肺好乾淨，好好味！又係一滴不留

大閘蟹隻隻都爆膏

又係爆膏

第三隻一樣勁多膏

個湯好香好滑，豬肺乾淨好好味😋

蘿蔔糕上佈滿蟹粉，食落啖啖香濃蟹粉味，上枱時仲有「吱吱聲」，熱辣辣！

清甜嘅蘿蔔，配上大大隻蜆，估唔到味道咁夾，大人小朋友都咁鍾意！

聽聞呢個係招牌菜，同出面食嘅咕嚕肉好唔同，喺一堆冰粒裏面搵啲咕嚕肉嚟食，好似尋寶咁！第一啖咬落去，好脆，啲肉仲好嫩，唔怪得係招牌菜！

平時食墨魚餅就食得多，第一次食西洋菜味嘅墨魚餅，墨魚餅含有好香嘅西洋菜味，好彈牙，好特別！