今次難得呢間平民價嘅糖水舖最近新開張 係附近食完完飯即刻過嚟試下
我哋兩個每人叫咗兩款糖水
真係飽到上心口
不過呢間鋪鋪面唔算好大 兩張圓枱坐到10個人左右 而且平日黎都好多人排隊買 所以想食嘅可以考慮下外賣走木瓜桃膠燉鮮奶$23
呢碗中式糖水抵食得嚟好鮮甜 岩岩拎出嚟溫度啱啱好 桃膠size 唔會太大粒 而且好足料 紅棗木瓜份量都好夠 花奶好鮮甜 食晒成碗都唔會好濟
呢碗糖水夠養生岩晒一眾女士平時嚟補一補
黑糖珍寶豆腐花$18
呢份真係超級足料18蚊嚟講真係好抵食 一碗食到晒黑糖珍珠 芋圓 豆腐花 而家係出面真係買唔到
每樣配料都唔會太甜 特別要讚下呢間鋪嘅芋圓真係好有芋頭同薯味 食落好煙韌岩晒我呢啲好鍾意野食有咬口嘅女仔呢碗都係間鋪嘅招牌糖水 一路坐都見到有好好多人外賣走 就知道果然係名不虛傳
依杯雪山冬瓜茶$20 除咗賣相吸引 飲落仲非常清爽 西瓜茶的香氣配以豆花順滑的口感 再以黑糖珍珠作為點綴 成為我今年飲過既野飲既 第 一 位 ！
香芋椰汁芋圓西米露
一個字 抵到你唔信 依碗係一碗超級足料既西米露 16蚊既價值 竟然可以有咁多配料 仲要係芋圓添 真係幾滿足：）
