Video
Read full review
2017-04-16
1004 views
經常流連ig睇下有乜好西食嘅我，都bookmark好多，方便隨時搵食，今次去到呢間食友介紹嘅小店。柏妮絲喺元朗西菁街，雖然平時都會喺附近搵食，但都冇留意到有間cafe~小店位置唔多，但有室外座位，眼見有唔少客人帶埋狗狗坐室外。本來我係四點零鐘到，當時滿座，但諗到我都算係專程過黎食，行左一陣又唔心息再行番轉頭，最終6點鐘左右都有位。小店主要供應咖啡、飲品、幾款麵包、全日早餐、芝士餅等輕食，環境舒適。如果冇特別野做，可能都可以消磨一個下晝 (遲下天氣熱啲就唔敢講)基本上食物都係即製，加上客人不少，製作需時，我地點左一個包、一件蛋糕、兩杯飲品。麵包類有幾款：法包、意大利包、牛角包、熱狗、bagel，單售$42，跟飲品$66 (特飲+$8)牛角包 配 Green Tea Latte (櫻花版) $74牛角包配料豐富，有芝士、生菜、蕃茄 + 三文魚/巴馬火腿/手撕雞/牛油果/吞拿魚 (五選一)本來想試下手撕雞，可惜時間唔早，已經賣哂，最終揀左三文魚。有機會要早少少過黎試手撕雞！牛角包新鮮熱辣，影左好耐相都依然鬆脆，而且食落唔油，好味呢配料新鮮、唔膩，感覺幾健康！我最期侍嘅就係呢杯拿鐵喇！因為見到
柏妮絲喺元朗西菁街，雖然平時都會喺附近搵食，但都冇留意到有間cafe~
小店位置唔多，但有室外座位，眼見有唔少客人帶埋狗狗坐室外。
本來我係四點零鐘到，當時滿座，但諗到我都算係專程過黎食，行左一陣又唔心息再行番轉頭，最終6點鐘左右都有位。
小店主要供應咖啡、飲品、幾款麵包、全日早餐、芝士餅等輕食，環境舒適。如果冇特別野做，可能都可以消磨一個下晝 (遲下天氣熱啲就唔敢講)
基本上食物都係即製，加上客人不少，製作需時，我地點左一個包、一件蛋糕、兩杯飲品。
麵包類有幾款：法包、意大利包、牛角包、熱狗、bagel，單售$42，跟飲品$66 (特飲+$8)牛角包 配 Green Tea Latte (櫻花版) $74
牛角包配料豐富，有芝士、生菜、蕃茄 + 三文魚/巴馬火腿/手撕雞/牛油果/吞拿魚 (五選一)
本來想試下手撕雞，可惜時間唔早，已經賣哂，最終揀左三文魚。有機會要早少少過黎試手撕雞！
牛角包新鮮熱辣，影左好耐相都依然鬆脆，而且食落唔油，好味呢配料新鮮、唔膩，感覺幾健康！
我最期侍嘅就係呢杯拿鐵喇！因為見到照片拉花好靚好吸引，所以先會mark低呢間小店架！見到實物都冇失望，因為真係幾靚，少女心發作之選
如果想要呢個版本，落單嘅時候記得講櫻花版，否則只得普通拉花架~
飲落抹茶味就唔係話好強，濃啲更好。奶泡夠滑，飲嘅時候輕輕聞到好少好少櫻花嘅味道。飲到尾都仲見到個拉花，好滿足
杏仁豆腐慕絲蛋糕 配 橙檸梳打 $66呢款蛋糕味道較清淡，豆腐味再強烈啲更好，杏仁口感不錯
畫喺蛋糕下嘅草莓醬略為影響蛋糕嘅味道，我都盡量避開唔好掂到~
金黃拼圖 (橙檸梳打)用新鮮橙、檸檬加上梳打調出，飲落有少少似橙味葡萄適~
男朋友就覺得橙汁嘅份量多啲，檸檬弱少少，味道更好。
另外仲有款柑桔青檸梳打，啲柑桔係小店自己醃製呢！
整體黎講，柏妮絲嘅食物味道唔錯，我見到咁靚嘅拉花，心情都好啲。老闆娘都好親切啫，同我地講左唔少經營嘅難處，希望多啲人留意到用心做、唔賣廣告嘅小店啦。
餐牌：
Post
