R.I.M.K (Closed)

陪朋友去旺角果欄買生果，冇得去日本，佢就話買多啲日本士多啤梨和王林蘋果食，補返數。之後佢帶佢我去豉油街一間R.I.M.K.餐廳,位於一座大廈二樓，從電梯旁的樓梯級上就到達餐廳，地方整潔雅緻。紅酒黑椒慢煮去骨德國鹹豬手：豬手加入紅酒和黑椒用慢煮方法烹調，肉質鮮嫩又入味，煮熟後去骨起肉便可上碟。啖啖肉再拌以特製醬汁可增添風味。海鮮忌廉汁扁麵配挪威煙三文魚：煙三文魚大大片砌成一朵美麗的花，有滑順絲柔的油花口感，又帶著點煙燻的風味與鹹味，海鮮和扁麵伴上濃郁的忌廉汁，口感creamy又彈牙。雪糕格仔餅：雪糕在三種口味中選兩種，選咗雲尼拿和朱古力，格仔餅即叫即做，香脆可口，仍帶有餘熱的香脆格仔餅 配上厚厚的冰冷香滑雪糕, 冰火相容的口感, 一大口吃下去, 感覺超正的。MK熱香餅：每層都舖上香蕉和朱古力碎，加上糖漿、忌廉和雪糕，份量十足，又滑又香又甜，超好味！