慈素小聚

Open Now

Now Closed

這間餐廳一直想試，噚晚終於有機會去到。它的樓面不算大，坐滿了食客，但又不覺太嘈吵😇一看餐牌，發現他們的菜式包羅萬有：由中菜如片皮鴨和燉湯，到pizza和意大利粉，仲有日式、台式，基本上可以滿足大部份人嘅口味。我們先點了兩個椰汁雪耳無花果燉湯，第一啖飲落去已經覺得好清甜同好夠火候，特別係椰子味好出，勁想飲多盅😋云云菜式中，我們首先點了一客北京片皮鴨。上枱色彩豐富 ，蒸籠內薄餅每塊都隔着一張蒸籠紙，確保不會黏在一起。「鴨肉」應該係煎炸過的麵筋，每塊配三色椒各一條，沾上醬汁後很惹味，真的有點食片皮鴨的感覺。之後再揀左秘製茄汁配三重奏芝士天使麵。充滿芝士嘅天使麵好香，仲有好有菇味嘅磨菇作配菜，我自己好鍾意👍🏻忌廉蘑菇濃湯佐菠菜是比較新派的fusion 菜式，感覺有啲似菠菜苗同西式蘑菇湯嘅結合。最後有少少唔夠喉，於是再叫咗台灣叉燒刈包。上枱賣相好靚：炸好嘅麵筋扮香脆魚柳，上面放滿好香嘅「叉燒粒」，「魚柳」為刈包提供多一重脆卜卜嘅口感，而叉燒醬汁嘅惹味又分別被麵包和魚柳中和，成為我覺得最驚喜的一道菜。整體嚟講，餐廳嘅服務好好，有唔同類型嘅菜式，而且食物做得細緻，令人對素食有更闊的想像。見到餐牌仲有