榮哥廚房私房菜

Open Now

Now Closed

聽朋友講話想食私房菜，之前食過一間好好味，所以決定帶朋友去試下。餐廳位於工廠大廈，鄰近觀塘地鐵站出口，地點非常方便。一入到去見到好新鮮嘅水耕菜，餐廳裝修古色古香。點左個四人套餐，每位都係$338。前菜有本地有機沙律菜伴芝麻醬，沙律菜新鮮翠綠，涼拌黑木耳，黑木耳非常爽口，仲有老陳醋麻花青瓜，青瓜切得好靚好考師傅刀工，點上陳醋酸酸地好開胃。茶燻留心蛋伴黑魚子醬配厚切茄子，蛋黃呈留心狀，配上嫩滑嘅茄子，加埋醬汁非常野味。原盅燉哈密瓜螺頭黑毛豚肉湯，哈密瓜清甜，加上螺頭及豚肉增加不少味道。原忠燉姬松茸淮山燉甘筍黑毛豚肉湯，材料十足，湯味濃郁。蝦水芙蓉，蝦球大大隻鮮甜，加上蒸滑蛋，濃湯鮮甜，味道非常豐富。遠年新會陳皮骨，表皮香脆，咬落滲出大量肉汁，仲有好香嘅陳皮味。黑松露醬炒班球，新鮮班製作成班球，肉質鮮嫩，配上黑松露醬，味道十分配合。明梅醬㦖頭腩，炸過嘅頭腩，再用名梅醬㦖，醬汁滲入肉內十分美味。米王湯浸碧綠溫室菜苗，菜苗鮮嫩，加上米王湯，十分清新。農坊獨頭糖心黑蒜炒飯，飯粒分明，加上香甜黑蒜，十分美味。時令甜品，芝麻湯圓，皮薄芝麻餡留心，薑味重甜度適中。榮哥私房菜，菜式製作用心而且美味。