香港嘆得起冰室 (Closed)

呢間係一間新開的茶餐廳，所以一直都想試，呢排出咗優惠所以就去咗食。叫左個經濟晚餐　—　黑椒火腿豬扒飯　（包一碗湯及熱飲）呢個湯鹹到爆，除左鹹味，飲唔出用左咩其他材料。　主食—黑椒火腿豬扒飯首先非常驚喜的是，他們用心擺盤，而且用料上也不馬虎１）椰菜不會像一般茶餐廳的煮得太爛，顏色上仍保持翠綠，口感也是爽脆的２）火腿應該係用金妹嘜，有熟識的味道３）飯是用較好的米，有米香飯味，應該係泰國米，我都唔知，但係我好少覺得茶餐廳的飯好食４）到主角—豬扒，首先賣相討好，不會是乾乾的，加上又夠大塊，令其未食已經加左唔少分。再食一啖塊豬扒，煮得恰到好處，肉質鬆軟，未去到有彈性，但起碼不會嚡口，再加上他應該有少少煎過下塊豬扒，令佢有少少香脆，加上這個黑椒汁好有黑椒味又唔會死鹹，有返咁上下水準。　茶餐廳來說，他們的確是比較用心，無論係食材同食物的況現，看得出他們對食物出品有要求，希望他們能堅持。