泰象館

Open Now

Now Closed

每隔一段時間就好想食泰國菜，難得今日放假就到九龍城泰象館食餐好既👍入到店舖裝修環境雖然不大但坐得好舒服，牆上貼着餐廳推介食物的照片，方便客人選擇！冬陰功（小）$82一鍋大約有四小碗，大約有兩隻開邊蝦，蝦頭帶有小小蝦膏，蝦肉新鮮爽口彈牙，湯底酸酸地辣辣地，好適合而家凍凍地嘅天氣，飲完非常暖胃！炸蝦餅$79蝦餅有四件，外皮炸至金黃色，咬落熱辣辣，每一啖都食到蝦肉，爽口彈牙，加入酸甜醬一齊食味道更佳！三味炸鰂魚$148師傅刀工一流，把原條鰂魚起晒肉再炸，方便客人食，魚骨炸得香脆，魚肉切得好薄，魚好嫩滑，配料有青紅椒及新鮮菠蘿🍍醬汁酸酸甜甜，食唔停口！最後飲杯西瓜冰，涼浸浸，好滿足！