日本洋食屋 翔

Open Now

Now Closed

朋友介紹，荃灣有一間由日本人開嘅小店，喺荃灣中心，唔算太易揾。舖頭細細，係一個open kitchen，由一位日本人負責料理所有食物。雖然地方細細，都有頗多選擇，一個餐牌主要係日食，另一餐牌就係日式同西式fusion，例如有pizza。不過我都係比較想試下日式餐點，所以就叫咗個滑蛋豬扒飯。一個set包一個湯或沙律同埋一罐汽水。個湯幾好飲喎，係紅蘿蔔同白蘿蔔嘅麵豉湯😋由於廚房一人包辦，等食物嘅時間相對比較長。不過所有主菜都即叫即製，等吓無所謂啦！滑蛋豬扒飯送到！一望到個滑蛋都已經覺得不錯，唔會太老，仲有少少蛋汁，而豬扒外皮都微脆。可惜嘅係飯唔係用珍珠米，食落就少咗一份日式料理嘅口感同精緻。整體口味亦比外面其他日式料理清淡。