拉麵達人 (Closed)

前排同朋友行街，去到佐敦見到一間拉麵鋪，見到裝修幾特別同埋做緊優惠推介，就入去試吓，因為我同朋友都鍾意食日本野，乾脆入去試試！鋪頭主要用木做傢俬，而牆上掛左啲裝飾物同埋擺左d小玩具，感覺好舒服！之後我同朋友每人點左一個拉麵同一個小食，諗住唔夠飽先再叫，我地又唔食得多嘢！首先黎左個小食炭燒雞肉串，雞肉夠滑，淋上檸檬汁，酸酸甜甜，好開胃，而且雞肉表面烤得好脆口，入面既肉又唔會老晒，係一個好好嘅餐前小食！然後我朋友個櫻花蝦達人拉麵上枱喇，我試左啖蝦湯，係濃厚蝦醬味，果然真材實料，蝦肉炸到金黃新鮮，大大條蝦仲保留到嫩嫩的口感！最後，到我既W達人拉麵，同得個鋪名一樣，肯定係鎮店之寶啦，鋪頭用鏗魚豚骨湯，我最重視拉麵既湯底，相比朋友個濃湯蝦湯，我比較欣賞呢個豚肉魚骨湯底，兩者味道十分配搭，並非單一豬骨湯嘩單調，火炙厚切叉燒大大舊，食落一口脂肪一啖豚肉，口感既豐富又有油脂香，拉麵彈牙軟腍，我鍾意一啖湯一啖麵，簡直完美，仲有個隻糖心蛋，蛋黃金黃流心，一口食晒，甜甜滑滑，好味！