滷江湖 (Closed)

由油麻地行去佐敦，見到呢間食潮州野～～個名咁勁，都好想試吓入到店內，服務好親切，仲著住江湖字嘅衫🤩好特別。 店內裝飾亦整潔光亮。師傅精選滷水拼盤拼盤有鵝肉、豬耳、大腸、五花腩、墨魚等～～鵝肉肥美嫩滑爆汁，食落啖啖肉😋 墨魚豬耳爽口彈牙，五花腩夾雜肉同脂肪，肉味香濃。韭菜豬紅紅紅的，醬汁惹味帶點辣，豬紅彈牙爽甜，韭菜亦煮得好入味蠔仔泡飯蠔仔🦪都幾大隻，而且漲卜卜，多汁鮮甜；泡飯仲放咗好多配料，如大地魚乾、魷魚乾等，倍添鮮味。仲要試佢哋江湖秘製酸菜，酸酸甜甜爽口，好醒胃，又可配搭唔同菜式