漁正居酒屋 (Closed)

呢日想帶左屋企人去食餐好既，就去左呢間我至愛既居酒屋食dinner，餐廳既環境好舒適。我地點左好多野食，刺身方面，點左4件室津蠔，肥美飽滿又鮮甜。另外仲有帶子、三文魚同埋甜蝦，同樣新鮮。熟食方面，苦瓜炒豚肉好健康，而且苦瓜食落去完全唔苦。另外仲有清酒煮蜆，蜆肉大大隻，湯汁好清甜。稻庭烏冬雖然係一道好簡單既菜式，但都可以感受到廚師既用心，彈牙既烏冬加上菜、幾款菇、海苔等，係溫暖又幸福既感覺。燒物方面，高度推介荔枝燒豚肉卷串，豚肉包住荔枝，好夾。燒豬頸肉好惹味。香脆既燒雞翼。最後仲有呢個燒雞泡魚。