一如其他小食店，都有燒賣、魚蛋、腸粉賣，但佢呢度有埋漢堡包🍔套餐，款式好多，有選擇性困難既朋友就要花啲時間諗諗食咩🤩
我自己就叫左個兩樣野：
💫招牌套餐（炸燒賣、炸餃子、炸雞脾） $55
全部炸野都係即叫即炸，同旺角個啲街邊檔唔同，唔會放到啲炸野有陣油味&凍冰冰。抵讚👍🏻
🍢炸燒賣最好食，每粒外表都脆卜卜，但裏面唔會乾
🍗炸雞脾雖然唔算好大隻，但醃得好夠味，望住佢即叫即炸，食落熱辣辣，皮脆肉嫩，好味都我連雞脾舊軟骨都食埋。
🥟炸餃子就無比較普通，可以讚既就係唔會有陣油益味🥟整體都比普通小食店好食😋
💫咖哩魚蛋 $8/6粒
魚蛋好好吃，唔會有魚腥味，咖哩味濃，夠辣，推介👍🏻
不過可能呢間黃店比較出名，而且食物質素好，炸野又即叫即炸，等候時間會較耐，如果趕時間可以先試左魚蛋燒賣個啲🌝
