Shiro Bakery (Closed)

呢間小店係誠品既pop up store我幫襯過好多次，差不多每個味道都食過。大部分都係茶味為主。我本人好鐘意茶味既野，因此就算貴，我都一直有幫襯。今日買左個鐵觀音朱古力味卷蛋，真係真心好好味！佢好香茶味不特只，朱古力味都夠濃但唔會太搶，最重要係一啲都唔甜。食到中間仲有朱古力脆粒，不同嘅口感，真係好滿意。當然佢真係唔平。見到呢個價位，對佢要求一定好高。況且太古城呢頭要買蛋糕既話，選擇大把，所以要客人回頭再買，真係要用心既產品！！我就俾佢滿分！另一個推薦既係焙茶味。今日想買特濃版，但係已經賣晒！所以買左平衡版，茶味無甘濃但都夠茶味，中間仲有蕨餅，好煙韌！其實佢地仲有dacquoise, 但我本人嫌佢比較甜，所以我無特別係度介紹。