小賣部 (Closed)

令人懷念的小賣部，每樣食物都用心製作，腸粉套餐，滑滑腸粉，有燒賣豬皮魚蛋 。日式小丸子 $22 紫菜口味 ，外面脆卜卜，配日式醬汁同紫菜。 招牌狗仔粉 細碗 $24值得下次再食，狗仔粉口感 彈牙有少少煙韌。有冬菇絲 湯底清甜。 台式手抓餅$32包兩個餸可以揀芝士，火腿，粟米，煙肉，雞蛋，紫菜，蟹柳，腸仔 ，生菜，豬肉鬆，選擇好多 。足料碗仔翅$24 講得係足料，有冇意思冬菇絲，不會太咸。有4 個座位可以 坐低慢慢食乾淨又衛生。下次再黎食其他食物。