潮牛腩

Open Now

Now Closed

好少讚粉麵店，但我同朋友食完覺得有驚喜！✨️騸牯牛肉麵正常粉麵店嘅餃子、丸類、牛腩等一樣有，但特別在竟然有騸牯牛，姐係閹割公牛，呢款牛一向供應量少比較矜貴！既然每日限量又未食過當然叫一碗，肉紋明顯保持粉色，牛味甘香，質感特別嫰😍 湯底標磅每日熬製18個鐘，的確好濃郁！幼麵完全無鹼水味！ ✨️牛坑腩河粉牛坑腩脂肪唔多但肉味最濃，腍得黎有嚼口，另外不得不讚個河粉，幼身超超超滑！！ 蘿蔔無渣勁清甜😍炸魚皮 最鐘意無骨炸魚皮，淨食脆卜卜，但我最鐘意沾兩三下湯微微脆先食😋 後來埋單時老闆問好無食，言談間得知原來呢款河粉挑選咗好耐先入貨，而騸牯牛即使成本昂貴都專登入貨，聽完覺得老闆除咗健談，仲係一個肯花心機、對食材有要求既人，印象深刻！走時仲教我地點行去銅鑼灣。