韓朝盛韓國料理 (Closed)

經過創興廣場，發現依間新開的韓國餐廳，愛吃韓菜的我當然不會放過。餐廳地方闊落，全是橙色大卡座，可供六至八人，所以坐得特別舒適。店內裝潢充滿傳統色彩，室內通風幾好即使隔枱燒烤都沒有半點油煙味。美食選擇多，主打烤肉和海鮮鍋，仲有套餐供應。午市套餐一百蚊內好抵，ＣＰ值幾高下。前菜八小碟 $0點菜後店員隨即奉上，款款都好吸引，打卡都好。傳統泡菜辣酸入味開胃爽口，牛脷煙韌彈牙味道濃郁，涼拌海帶口感爽脆，炆土豆軟綿綿好甜美，炒魚糕Ｑ彈香辣惹味，凉拌豆芽青瓜脆瓜絲都好爽脆，菠菜都無苦澀。燒鰻魚石鍋蓋飯 $128熱騰騰石鍋奉上，店員馬上加上韓式辣醬撈勻拌飯，鰻魚肉厚身肥美，鍋底仲有脆脆飯焦，全程都係熱住食的。高麗人蔘雞湯 $118蔘味香濃，雞肉嫩好淋身，仲有紅棗和糯米，湯味清甜之餘感覺好滋補，食完都幾飽肚。甜品 $0各揀了一款，芒果雪糕有清香的芒果味。而紅棗茶是自家製的，紅棗香味濃郁，飲啖就知真材實料，必定要試呀。整體環境乾淨，店員有禮，回頭率極高。