Video
Read full review
2019-05-12
283 views
又放大假，梗係約一班朋友出嚟傾吓計食好嘢。呢間The Food Factory 樓下雖然冇大招牌，但一嚟到譽發廣場5樓，就發現原來好多人都嚟呢度食，午市要等位。餐廳有二人坐四人坐六人坐，亦有一人對住窗口嘅位置，所以無論自己一個人嚟，定係同一大班朋友，一定有合適嘅位置舒舒服服食嘢。以這個黃金地段來說，五十幾蚊一個午餐包餐湯餐包同飲品，真係十分抵食！嚟到已經差唔多兩點，差唔多到2:30下午茶時間，店員話可以預先落單，咁就有多啲選擇啦😽餐湯落足料，有好多蔬菜粒，味道清新，沒有很假的茄膏味👍🏽仲要讚下個餐包，焗得好鬆軟，打開熱辣辣嘅餐包裏面仍然保持濕潤，仲有少少牛油香！等緊食物嘅時候先飲杯野，叫咗一杯意大利薄荷咖啡，冇估到買相咁可愛，朋友係Hello Kitty嘅粉絲，見到立即同佢影返幅靚相，咁cute嘅樣又真係唔捨得飲嘅。香草厚切豬扒配檸檬牛油汁，這個配搭很清新，原來檸檬同牛油可以咁架，清新之餘有些少甘香。豬扒真係好厚，差不多兩厘米，但烹調時間剛好，很輕易就能切開，肉質鮮嫩，稍為多一些調味可能更好，不過可以肯定的說，這是健康之選！這個下午茶拼盤真的不得了，幾時下午茶都要咁好話，切開兩邊的牛角
呢間The Food Factory 樓下雖然冇大招牌，但一嚟到譽發廣場5樓，就發現原來好多人都嚟呢度食，午市要等位。
餐廳有二人坐四人坐六人坐，亦有一人對住窗口嘅位置，所以無論自己一個人嚟，定係同一大班朋友，一定有合適嘅位置舒舒服服食嘢。
以這個黃金地段來說，五十幾蚊一個午餐包餐湯餐包同飲品，真係十分抵食！
嚟到已經差唔多兩點，差唔多到2:30下午茶時間，店員話可以預先落單，咁就有多啲選擇啦😽
餐湯落足料，有好多蔬菜粒，味道清新，沒有很假的茄膏味👍🏽仲要讚下個餐包，焗得好鬆軟，打開熱辣辣嘅餐包裏面仍然保持濕潤，仲有少少牛油香！
意大利薄荷咖啡
6 views
0 likes
0 comments
等緊食物嘅時候先飲杯野，叫咗一杯意大利薄荷咖啡，冇估到買相咁可愛，朋友係Hello Kitty嘅粉絲，見到立即同佢影返幅靚相，咁cute嘅樣又真係唔捨得飲嘅。
香草厚切豬扒配檸檬牛油汁
10 views
0 likes
0 comments
香草厚切豬扒配檸檬牛油汁，這個配搭很清新，原來檸檬同牛油可以咁架，清新之餘有些少甘香。
豬扒真係好厚，差不多兩厘米，但烹調時間剛好，很輕易就能切開，肉質鮮嫩，稍為多一些調味可能更好，不過可以肯定的說，這是健康之選！
挪威煙三文魚班尼迪拼盤
16 views
0 likes
0 comments
這個下午茶拼盤真的不得了，幾時下午茶都要咁好話，切開兩邊的牛角包上，有兩三塊大大片挪威三文魚，上面仲有溫泉蛋，牛角包香脆，三文魚同膽汁有配合得天衣無縫，真心推薦。
千島海鮮薄餅
5 views
0 likes
0 comments
海鮮pizza都可以的，雖然餅底有點太厚和太油，但係都足料，除咗芝士同千島醬之外，亦都有不同蔬菜配料，所以味道同口感都好豐富。
雪糕法式焦糖燉蛋
13 views
0 likes
0 comments
最後以這個精緻的甜品作結，最欣賞Oreo雪糕，因為裏面真係好多oreo碎，極有口感！👍🏽👍🏽
五個人食咁多嘢，仲要各自叫咗一杯特飲，埋單先四百幾，喺這個黃金地段來說，物有所值。
Post
