Video
Read full review
2022-10-13
23 views
由黃大仙地鐵站B2出口(黃大仙中心北館)進入商場後搭扶手電梯上一層直行就到。店舖裝潢非常用心💕，餐桌以木色為主，加上花草嘅襯托，有種「秘密花園」嘅感覺。我同男朋友各自叫咗一個#嘆嘆套餐，B餐($98)同C餐($138)嘅差別在於自選甜品，如果你心入面已經有想食嘅甜品咁叫C餐就會抵啲啦😼！（以下係我哋當日嘅配搭👇🏻）🍚#古祖滷肉飯拼鹵水雞翼：有別於我哋平時食開嘅滷肉飯，嘆嘆嘅滷肉醬汁比例較多，撈飯一流。餐廳亦冇添加太多肥肉，反而加入香菇取替，滷肉同香菇嘅比例剛剛好，口感仍有肥瘦相間嘅感覺🤤。滷水雞翼足足有四大隻，旁邊仲有半邊糖心蛋同少少沙律菜非常豐富。🍜#嘆嘆招牌牛肉麵：難得嚟到當然要試試嘆嘆嘅招牌牛肉麵啦(需另加$20)！牛肉足足有十舊咁多😮，用嘅相信係牛肋肉，全部都好腍且半肥瘦帶少少筋好有咬口。麵質Q彈，湯底香濃，飲多兩啖陣八角香味出哂嚟，另外仲有紅、白蘿蔔作配菜，又腍又入味。（兩款加配小食）🍗#香酥鹽酥雞($35)：熱辣辣香脆可口，炸粉唔會太厚，沾少少椒鹽粉更好食。不過最特別都係另一款醬汁(#海山醬 混合 #醬油膏)，第一次食覺得好新奇😲。🫘#夜市小香腸($20)：腸衣烤到好脆，一
由黃大仙地鐵站B2出口(黃大仙中心北館)進入商場後搭扶手電梯上一層直行就到。店舖裝潢非常用心💕，餐桌以木色為主，加上花草嘅襯托，有種「秘密花園」嘅感覺。
我同男朋友各自叫咗一個#嘆嘆套餐，B餐($98)同C餐($138)嘅差別在於自選甜品，如果你心入面已經有想食嘅甜品咁叫C餐就會抵啲啦😼！
（以下係我哋當日嘅配搭👇🏻）
🍚#古祖滷肉飯拼鹵水雞翼：
有別於我哋平時食開嘅滷肉飯，嘆嘆嘅滷肉醬汁比例較多，撈飯一流。餐廳亦冇添加太多肥肉，反而加入香菇取替，滷肉同香菇嘅比例剛剛好，口感仍有肥瘦相間嘅感覺🤤。滷水雞翼足足有四大隻，旁邊仲有半邊糖心蛋同少少沙律菜非常豐富。
🍜#嘆嘆招牌牛肉麵：
難得嚟到當然要試試嘆嘆嘅招牌牛肉麵啦(需另加$20)！牛肉足足有十舊咁多😮，用嘅相信係牛肋肉，全部都好腍且半肥瘦帶少少筋好有咬口。麵質Q彈，湯底香濃，飲多兩啖陣八角香味出哂嚟，另外仲有紅、白蘿蔔作配菜，又腍又入味。
（兩款加配小食）
🍗#香酥鹽酥雞($35)：
熱辣辣香脆可口，炸粉唔會太厚，沾少少椒鹽粉更好食。不過最特別都係另一款醬汁(#海山醬 混合 #醬油膏)，第一次食覺得好新奇😲。
🫘#夜市小香腸($20)：
腸衣烤到好脆，一啖咬落去滿口油香，不知不覺間就清哂成碟😆。
🍵#清零消脂手工花茶：
由六種植物調配而成嘅手工花茶，當中胎菊及玫瑰花茶味道較為突出，就咁飲會有啲澀，可以加少少龍眼蜜調和，甜度由自己選擇。茶壺底下有蠟燭可保持溫度🪔，非常貼心。
🧋#嘆嘆紫薯奶茶：
相比之下奶茶偏甜，不過同紫薯好夾都幾好飲，底下仲有芋圓可以咬下😛。
🍼#3.6牛乳黑糖芋圓特盛：
(需另加$40)黑糖特盛超級大份，足足有六種配料。珍珠、芋圓煙煙韌韌，不過我自己會鐘意煮腍少少。反而紅豆保留住沙沙地嘅口感，撈沙冰食好正👍🏻。牛奶布丁味道偏淡，加埋雪糕食啱啱好。
🍰#是日精選甜品(#Brownies)：
Brownies口感偏cakey，唔會過份濕潤。作為飯後甜品配以手工花茶為是日晚餐畫上完美句號🫶🏻。
最後走嘅時候經理(?)仲問我地覺得啲食物點，感覺到餐廳好用心經營💓
Post
