潮州仔食堂 (Moved) New Location

經過有間食豬既小店、自己一個人就走入去試下。平時好少地方可以食到豬內臟，所以就要試下！餐牌上面都好多選擇，有潮州腸粉！好想試下，不過我見胡椒湯吸引就叫豬肺豬利米。湯頭好飲，胡椒味夠而唔太辣！豬肺綿身但唔夠入味！如果可以入味就好啦！所以要額外點佢地辣辣油，辣椒油唔太出色。唔夠香，返而榨菜有驚喜任食味道都好好！而我覺得胡椒味唔夠、仲有自助胡椒自己加！ 因為我鐘意胡椒味！豬利做得出色，薄片夠爽又新鮮，食得出係新鮮貨。下次要試下其他野食🤪因為食太多內臟唔好，下次揀返特別野食！價錢唔太貴 可以再試！因為個湯係幾好飲👍🏻 飲完都唔口渴！