Video
Read full review
2022-07-20
467 views
今日黎到屯門探朋友，google map教由兆康站搭一個站輕鐵就到「景峰站」，人生第一次來這個地方，輕鐵一出過條馬路見到一間小食店，被它的名字吸引了-「貓毛」。 看看餐牌，價錢非常之親民，天氣熱唔想行得遠又唔太熟路，不如就試試呢間。餐廳以小店經營，堂食位置不多，主打外賣。老闆娘很友善，傾左陣就決定堂食了。 原來可以電話whatsapp 下單，十分方便！除了漢堡和熱香餅，還有不少選擇，其中最吸引就是炸雞！有不同套餐配搭，街坊必食！ =熱香餅肥牛炒蛋組合 $30 (+$13 薯餅)=朋友說天氣熱，胃口不佳，小食就好了。這個熱香餅肥牛炒蛋組合，早晨全餐咁樣就剛剛好，熱香餅厚身配牛油及自家製糖漿，甜甜地夏天夠醒胃。薯餅熱辣辣，外層金黃脆卜卜，內禮薯粒軟冧冧，係我最鍾意的口感！炒蛋夠滑同厚身加幾片肥牛其實都好夠飽，平靚正！ =貝羅菇漢堡$48 (+$13 薯條)=貝羅菇即是大啡菇。很大份的漢堡，漢堡扒非常厚身而且肉汁多到漏出來。包面同包底微微烤過而脆身。呢個「大啡菇」同漢堡扒是絕配，爽口的啡菇滲出的菇汁跟鮮嫰多汁的漢堡扒，再配有黑松露醬，加上脆脆的麵包及清新的生菜，一啖入口，口感一流！ 薯條係特
看看餐牌，價錢非常之親民，天氣熱唔想行得遠又唔太熟路，不如就試試呢間。餐廳以小店經營，堂食位置不多，主打外賣。老闆娘很友善，傾左陣就決定堂食了。
原來可以電話whatsapp 下單，十分方便！除了漢堡和熱香餅，還有不少選擇，其中最吸引就是炸雞！有不同套餐配搭，街坊必食！
=熱香餅肥牛炒蛋組合 $30 (+$13 薯餅)=
朋友說天氣熱，胃口不佳，小食就好了。這個熱香餅肥牛炒蛋組合，早晨全餐咁樣就剛剛好，熱香餅厚身配牛油及自家製糖漿，甜甜地夏天夠醒胃。
薯餅熱辣辣，外層金黃脆卜卜，內禮薯粒軟冧冧，係我最鍾意的口感！
炒蛋夠滑同厚身加幾片肥牛其實都好夠飽，平靚正！
=貝羅菇漢堡$48 (+$13 薯條)=
貝羅菇即是大啡菇。很大份的漢堡，漢堡扒非常厚身而且肉汁多到漏出來。包面同包底微微烤過而脆身。呢個「大啡菇」同漢堡扒是絕配，爽口的啡菇滲出的菇汁跟鮮嫰多汁的漢堡扒，再配有黑松露醬，加上脆脆的麵包及清新的生菜，一啖入口，口感一流！
薯條係特大size，多到食唔曬要帶走，好味！另外仲有幾款啤酒可以叫，係食飽之際，可以解口渴解膩，很爽快！老板娘也把印仔卡給了我們，下次食可以繼續儲印仔換禮物，好貼心。
Post
