阿木台灣麵 (廣華街) (Closed)

今日係旺角發現開咗間台灣小館子，睇落好似唔錯，仲好多人，一於試下。坐下後，發現老闆娘一口台式普通話，感覺更地道。我覺得食台灣野，一定要試牛肉麵，佢地嘅牛肉麵加咗酸菜，麵身夾口彈牙，牛肉用牛展，煮得好冧好入味，湯底都有濃郁牛肉香味，整體好食。台式香腸滷肉飯: 點餐時，侍應好細心問駛唔駛加多d肉燥，我當然卻之不恭。上菜時，佢另外加咗一小碟肉燥俾我。台式香腸好香，唔肥，加上生蒜片好惹味。肉燥食到肉粒，唔算肥，依款都好食。枱面還放咗自家製麻辣醬，我加咗少少落麵，配埋酸菜都唔錯。我見人地嘅冷泡茶係樽上，好吸引，下次都想試下。