我們點咗幾道菜，首先係「三文魚牛油雜菌炒蛋煙配喬麥窩夫」。呢道菜色彩繽紛，盛盤時就已經令人食指大動。炒蛋綿滑，三文魚嘅煙燻味道恰到好處，牛油嘅香氣更係為整道菜添上咗一層濃厚嘅風味。雜菌嘅加入令口感更加豐富，搭配喬麥窩夫，既有鬆軟嘅口感，又帶有一點脆口，真係好好味！
1
！
再來就係「田園沙律」，蔬菜種類多，夠新鮮！沙律醬也清新可口，唔會太重味，吃完後感覺好清爽。
飲品方面，我選咗「水果茶」，裡面有柚子、藍莓及士多啤梨，茶味不淡不濃，很開胃！
我朋友叫了「鮮奶抹茶」，濃郁嘅抹茶香味配上滑順嘅鮮奶，味道相輔相成，而且賣相很漂亮！
最後，我地試咗「明太子蟹肉意粉」，意粉煮得適中，Q彈有嚼勁，明太子同蟹肉嘅風味融合得非常好，每一口都充滿滋味。明太子有一點辣鹹味，加上蟹肉嘅鮮甜，我地覺得呢款菜真係值得推薦！
整體而言，這小店唔單止係提供美味嘅食物，仲有優雅嘅環境同埋細緻周到嘅服務，是一個很愉快的用餐體會，也為我和朋友的共聚提供了一個美好回憶🤗
