Video
Read full review
2019-07-02
6225 views
今年生日，男朋友一手一腳安排，食咩晚飯自然都係佢安排啦。全日都好期待，好想知佢帶藍妹食咩好西。😍去到既時候終於知道啦！原來係鐵板燒！可能之前食過一間鐵板燒放題，貴又唔好食，所以為左彌補遺憾，佢揀左呢間去幫藍妹慶祝。😊呢種比較貴既鐵板燒，每枱都會有師傅專人係面前燒每道菜，睇得又食得。😏—因為上載照片有限，所以只係揀中啲去重點講，實際上食多過post出黎既。我地揀左「＂秋田＂二人前套餐AKITA」。河豚乾正式開始之前，會煎個河豚乾比每位客人食左先。藍妹係第一次食河豚乾，覺得好好食。魚乾味好濃郁，夾雜少少甜味，好有咬口。😬—魚籽鵝肝蒸蛋鵝肝比好多魚籽遮住左，睇唔到。😂小小一隻雞蛋，真係估唔到咁好食。魚籽既咸香味，配埋鵝肝油，同滑溜既蛋一齊食，真係回味無窮。🤤—西京銀鱈魚柳呢個鱈魚柳真係藍妹呢幾年食過最好食既！😵大大塊不在話，魚肉真係好滑，而且魚油非常多，食落口超甘香。食完一啖忍唔住食第二啖，食哂仲覺得意猶未盡。😖—活伊勢龍蝦半尾每個人會有龍蝦半隻，睇住個師傅好有功架咁，三兩下手勢將隻龍蝦拆肉。😏拆好肉之後，再將龍蝦頭裡面既蝦膏加啲牛油（仲有其他唔知係咩既野），當做汁咁炒香佢。😱蝦肉非常彈牙，
去到既時候終於知道啦！原來係鐵板燒！
可能之前食過一間鐵板燒放題，貴又唔好食，所以為左彌補遺憾，佢揀左呢間去幫藍妹慶祝。😊
呢種比較貴既鐵板燒，每枱都會有師傅專人係面前燒每道菜，睇得又食得。😏
—
因為上載照片有限，所以只係揀中啲去重點講，實際上食多過post出黎既。
我地揀左「＂秋田＂二人前套餐AKITA」。
河豚乾正式開始之前，會煎個河豚乾比每位客人食左先。
藍妹係第一次食河豚乾，覺得好好食。
魚乾味好濃郁，夾雜少少甜味，好有咬口。😬
—
魚籽鵝肝蒸蛋鵝肝比好多魚籽遮住左，睇唔到。😂
小小一隻雞蛋，真係估唔到咁好食。
魚籽既咸香味，配埋鵝肝油，同滑溜既蛋一齊食，真係回味無窮。🤤
—
西京銀鱈魚柳呢個鱈魚柳真係藍妹呢幾年食過最好食既！😵
大大塊不在話，魚肉真係好滑，而且魚油非常多，食落口超甘香。
食完一啖忍唔住食第二啖，食哂仲覺得意猶未盡。😖
—
活伊勢龍蝦半尾每個人會有龍蝦半隻，睇住個師傅好有功架咁，三兩下手勢將隻龍蝦拆肉。😏
拆好肉之後，再將龍蝦頭裡面既蝦膏加啲牛油（仲有其他唔知係咩既野），當做汁咁炒香佢。😱
蝦肉非常彈牙，一啲都唔散，龍蝦好新鮮。
因為加左蝦膏做汁去炒，所以龍蝦既味道非常濃重，成個口都係果陣蝦香。😙
食完啲肉之後，蝦殼都唔會浪費，拎去煮湯。師傅會將剩返既殼擺靚靚，然後落酒去爆一爆香佢，咁樣煮出黎既湯，蝦味會更突出。😌
洪洪烈火，真係幾壯觀。😲龍蝦麵豉湯
個湯的確幾重龍蝦味，不過藍妹覺得有啲咸，而且唔想飲到飽哂，所以淺嚐幾啖就算啦。
—
香煎頂級鵝肝如果唔想食鵝肝，可以揀「香煎北海道帆立貝」，但藍妹同男朋友都超鐘意食鵝肝，所以唔洗諗啦。
佢塊鵝肝好大塊，真係睇見都流哂口水。🤤
鵝肝一定好食嫁啦，厚身，煎得岩岩好，唔會太老實的的，藍妹甚至覺得可以煎熟啲。😃
鵝肝固然好食，但藍妹反而想讚既係佢個包。
落左牛油去煎一煎，個包吸哂牛油既香味，脆卜卜，配上鵝肝既軟滑口感，剛剛好！😉
—
炒野菜
中間有道炒野菜，中規中矩，好大份，食菜都半飽啦。😂
啲菜一啲都唔苦，炒得唔錯。
—
澳洲頂級和牛厚燒（自選牛肉鐵板燒）個餐有3款肉可以選擇，男朋友發辦，揀左「澳洲頂級和牛厚燒」。
我地要5成熟，師傅功力唔錯，煎出黎睇個樣都知合格。😎
和牛味好突出，真心調味料都可以唔落，淨係食牛既肉汁都夠。😜
肉好林，但依然有咬口，唔會好似比鬆肉粉LA到林哂咁。
—
招牌秋田炒飯到炒飯環節，如果有特別要求，可以預先同餐廳師傅講定要啲咩公仔，佢會整比你。
藍妹鐘意Chip and Dale，男朋友好Sweet咁叫定師傅整Chip，整得真係幾似呢。😍
講返個炒飯，師傅問左我地有咩唔食，跟藍妹要求，唔要蔥同蝦，於是藍妹既版本係咁既。
個炒飯真係好正，佢將頭先和牛既邊邊碎碎炒埋落去，超級香既牛味。😁
飯粒分明，唔係太乾身，有少少油份係面，藍妹幾鐘意呢種感覺。😋
—
精選甜品原來精選甜品係紅豆豆沙餅，睇住師傅一個圈一個圈咁整，好治癒。☺️
紅豆真係一啲都唔甜，反而個餅甜啲，作為一個甜品絕對唔會漏。
仲有一個雪糕既，抹茶同豆腐味，藍妹同男朋友都揀左豆腐，清淡啲作總結唔錯。😀
—
因為生日，所以餐廳都送左件蛋糕仔。伯爵茶味，比較少食，藍妹好鐘意，淡而香，即使好飽都忍唔住食左大半舊。🤣
—
做個總結，價錢唔平既，但係講服務同水準，藍妹覺得物超所值。❤️️
雖然唔知係咪有其他更好既餐廳，但係成晚一路食，師傅間唔中都會講解下食物，同我地傾下計之類。
亦見到師傅既功架好好，每樣野有姿勢有實際。😌
成晚既氣氛好好，野食亦好岩藍妹口味。
如果要慶祝節日，藍妹真係好推薦呢間。👍
Post
