甜甜咖啡 (Closed)

呢間雖然唔係成日去食，但每次都俾都我好好既印象。都十二點半，但唔算太多人。真係太好啦，都係叫番牛扒同炒天使麵。因為呢兩樣好好食架。忌廉湯真係好香濃，忌廉味好夠。同出面所謂既"忌廉湯"真係無得比。出面果根本就係麵粉湯。牛角包暖暖地又好脆口，牛油味好香。一流，依家好小有餐廳餐包會供應牛角包。黑椒牛扒牛扒好好味，肉質鮮嫩。黑椒汁辣辣地好惹味。而且有好多伴菜，相當健康。仲會用蒜蓉炒香佢，而炸薯仔好有薯味。脆卜卜，呢薯仔應該係自已切架。蜆肉炒天使麵天使麵好爽口，而蜆肉就幾新鮮。個麵雖然唔係好多料，但俾蒜蓉炒香佢就好好食。不過我都係鍾意食個忌廉汁天使麵，個忌廉汁好濃。凍檸茶算幾大杯，但茶味唔夠濃。呢間既服務態度同食物都咁好，肯定有好多個下次。