Chef Doggy

呢間舖仔細細，其實一啲都唔顯眼嘅，但串燒用心製作👍
今日晚餐時間經過呢間舖仔，被啲香味吸引到添，可能我又好肚餓啦😄😄

最初都本來只係諗住叫少少嘢食吓頂住肚架啫⋯⋯ 點知食落好好味，叫完一串又一串，叫到越食越多囉🤣
👉錫紙焗芝士蘆筍，芝士濃郁、蘆筍青甜爽口
👉串燒安格斯牛柳粒同埋串燒牛舌正常表現，係正常好味嘅！
👉招牌燒茄子、燒羊肉串都好正！P.S. 可能本人比較鐘意食羊肉串，無試過覺得唔好味嘅～嘻嘻😅😅
👉老闆之後推介我食燒聖子話好新鮮，果然味道更正😋聖子超鮮甜，好好味😋👍
👉燒雞扒都夠香口，又仲有好多肉汁，比起平時出街食的乾柴，都算幾驚喜👍
👉錫紙焗芝士西蘭花🥦就一般般，都係唔夠”林”

另外，舖仔老闆同啲職員都好nice，環境對於街邊檔嚟講算幾乾淨企理，職員亦都好勤快清枱(因為我食完又叫，叫完又食，職員要係咁清...哈哈)🤣🤣

老闆仲會走埋嚟問吓啲食物 ok 唔 ok咁添，睇得出佢係好用心製作，想食客比多啲意見，有乜可以再改良吓咁呢！

總括嚟講，呢間串燒舖仔，一定會下次再幫襯佢的，希望佢越做越好😊唔洗食親都集團經營嗰啲！