Video
Read full review
2012-06-26
6 views
買咗用心廚房嘅團購。裝修似西餐廳, 但供應嘅係川、粵菜。二人餐頭盤係頭抽牛柳粒, e 個幾好味, 牛柳粒有彈性, 亦係全個餐最好架喇。小食脆豆腐亦不錯, 唔油, 口感佳。主菜口水雞, 就普普通通, 不過不失, 但係小炒涼瓜蝦仁炒蛋就唔掂, 涼瓜味淡, 蛋過熟, 冇蛋香。跟住係擔擔麵, 做到麻辣感覺, 但麵條本身質素平平。至於鮑汁伊麵, 名實不符, 無鮑汁味, 伊麵亦係麻麻地, 冇乜味。最後嘅甜品桂花糕就唔錯, 唔太甜, 有香味。整體尼講, 食物唔算好出色, 但係尚可。服務方面, 肥仔幾好而個女仔就粗疏咗 d。但最離譜嘅係臨走前送上 $50 賬單, 話係後加服務費 (團購券寫明免茶介服務費)。團購嘅目的係招來新客。用心廚房咁嘅營商手法對待團購客, 佢哋點會再幫襯吖, 正一係因少失大！ 結論 : 用心廚房食物尚可, 但營商手法不良。嚡, 今次團購又中伏！
二人餐頭盤係頭抽牛柳粒, e 個幾好味, 牛柳粒有彈性, 亦係全個餐最好架喇。小食脆豆腐亦不錯, 唔油, 口感佳。
主菜口水雞, 就普普通通, 不過不失, 但係小炒涼瓜蝦仁炒蛋就唔掂, 涼瓜味淡, 蛋過熟, 冇蛋香。
跟住係擔擔麵, 做到麻辣感覺, 但麵條本身質素平平。至於鮑汁伊麵, 名實不符, 無鮑汁味, 伊麵亦係麻麻地, 冇乜味。
最後嘅甜品桂花糕就唔錯, 唔太甜, 有香味。
整體尼講, 食物唔算好出色, 但係尚可。服務方面, 肥仔幾好而個女仔就粗疏咗 d。但最離譜嘅係臨走前送上 $50 賬單, 話係後加服務費 (團購券寫明免茶介服務費)。團購嘅目的係招來新客。用心廚房咁嘅營商手法對待團購客, 佢哋點會再幫襯吖, 正一係因少失大！
結論 : 用心廚房食物尚可, 但營商手法不良。嚡, 今次團購又中伏！
Post