Video
Read full review
2021-11-30
116 views
今日同朋友去長沙灣MCL睇永恆族，睇完就梗係附近搵嘢食啦！朋友本身諗住食壽司郎，但係食到有啲厭，所以我哋揀咗附近嘅工廠大廈食飯。今次嚟到呢一間小店，係一間好平實同埋樸素嘅小店，我哋嗌左幾樣嘢食都覺得好，值得向大家推薦：蕃茄牛腩湯飯（ $30 ）呢個湯飯🍲令我諗起細細個屋企人煮嘅🍅蕃茄🥔薯仔湯，蕃茄好鮮甜，加埋牛腩一齊煮，我覺得非常之開胃。🥩牛腩唔會太靭，亦都唔會太肥，食完之後亦都唔會頸渴，$30真係抵到爛！滑蛋蝦仁飯（ $30 ）即炒嘅🍳滑蛋配埋🍤蝦仁鋪喺一大碗飯嘅面，上車嘅時候蒸氣騰騰，遠距離已經聞到好香嘅蛋香，店員同我哋介紹原來佢哋採用嘅係湖北蛋🥚，出名係香口順滑！蝦仁亦都係用咗比較大隻嘅一種，非常之彈牙爽口，唔會有雪藏蝦嘅發霉嘅感覺，我建議加幾滴豉油或者美極咁就可以將成碗飯再昇華🧝🏻♀️東坡肉（ $30 ）燉煮到入口即化嘅五花腩🐷極之邪惡，啖啖脂肪喺口中溶化，令人不禁一口接一口，回過神來嘅時候先發現成碟嘢唔見晒，連汁送飯簡直一流，完全係白飯神偷！🙈🙈🙈五粒牛肉球（ $11 ）呢度嘅牛肉球同坊間好唔同，紮實嘅口感仲有濃厚嘅牛肉味🐮，我哋問返店員先知道原來佢哋嘅牛肉球係人手打制而成，
今次嚟到呢一間小店，係一間好平實同埋樸素嘅小店，我哋嗌左幾樣嘢食都覺得好，值得向大家推薦：
蕃茄牛腩湯飯（ $30 ）
呢個湯飯🍲令我諗起細細個屋企人煮嘅🍅蕃茄🥔薯仔湯，蕃茄好鮮甜，加埋牛腩一齊煮，我覺得非常之開胃。🥩牛腩唔會太靭，亦都唔會太肥，食完之後亦都唔會頸渴，$30真係抵到爛！
滑蛋蝦仁飯（ $30 ）
即炒嘅🍳滑蛋配埋🍤蝦仁鋪喺一大碗飯嘅面，上車嘅時候蒸氣騰騰，遠距離已經聞到好香嘅蛋香，店員同我哋介紹原來佢哋採用嘅係湖北蛋🥚，出名係香口順滑！蝦仁亦都係用咗比較大隻嘅一種，非常之彈牙爽口，唔會有雪藏蝦嘅發霉嘅感覺，我建議加幾滴豉油或者美極咁就可以將成碗飯再昇華🧝🏻♀️
東坡肉（ $30 ）
燉煮到入口即化嘅五花腩🐷極之邪惡，啖啖脂肪喺口中溶化，令人不禁一口接一口，回過神來嘅時候先發現成碟嘢唔見晒，連汁送飯簡直一流，完全係白飯神偷！🙈🙈🙈
五粒牛肉球（ $11 ）
呢度嘅牛肉球同坊間好唔同，紮實嘅口感仲有濃厚嘅牛肉味🐮，我哋問返店員先知道原來佢哋嘅牛肉球係人手打制而成，粒粒真材實料，感覺好滿足！🤤
燒賣五粒（$7 ）
佢哋嘅燒賣用上今期大熱嘅金龍燒賣，配合埋自己調製嘅豉油，係一道極之有街頭風味嘅小食！店員亦都介紹返佢哋嘅豉油係用蔥、乾蔥、八角、蠔油等等調製，怪唔之得同李錦記嘅豉油好唔同。😋😋😋
四條腸粉（ $8 ）
呢度嘅腸粉亦都選用左潘記腸粉，原來呢間供貨商係同合益泰有合作關係嘅，食落去腸粉中間通窿，吸收晒豉油、甜醬、同埋麻醬，佢都唔會蒸過龍令腸粉都糊成一團冇晒口感，值得一讚！👍
油菜（ $9 ）
——————為食分界線——————
📍 一記 (荔枝角)
荔枝角福華街588號地下A號舖
推介指數 🤰🤰🤰🤰🤰(5/5)
好味指數 🤰🤰🤰🤰🤰(5/5)
抵食指數 🤰🤰🤰🤰🤰(5/5)
環境推介 🤰🤰🤰🤰🤰(5/5)
人均消費： $50
#mariofatfat #hkfoodie #Foodie #為食馬里奧 #馬里奧小店 #馬里奧中菜 #蕃茄牛腩湯飯 #滑蛋蝦仁飯 #東坡肉 #牛肉球 #燒賣 #腸粉 #油菜 #一記 #荔枝角 #福華街 #長沙灣MCL #壽司郎 #性價比 #抵食夾大件 #湖北蛋 #好邪惡 #滑蛋 #蕃茄 #豉油
Post
