愛甜心甜品 (Closed)

佐敦一向有條糖水街，難得今次晚飯約左係佐敦，有齊天時、地利、人和，當然要去食多餐朋友仔講起想食中式糖水，咁岩前面就有間店鋪裝潢走可愛路線，用色夢幻入到去，老板仲同我地講新開張，介紹左啲撚手糖水叫我地試下雪梨蘋果燉雪耳 呢碗係朋友既，秋冬想滋補下，以上配搭就岩岩好好足料，聞落清甜，飲落一樣咁滋潤蓮子百合馬蹄露 配清心丸 岩先晚餐食完熱氣野，我就想清熱解毒店員就推介左清心丸比我，我都係第一次係甜水舖見到原來清心丸係以馬蹄粉製成，但口感同馬蹄完全唔同，反而好似蒟蒻，帶清甜整碗糖水口感上有唔同層次，首先有打碎左既馬蹄，蓮子同百合既咬口，仲有清心丸既軟糯，好特別