Video
Read full review
2019-01-07
579 views
其實之前已經黎過一次食lunch，覺得幾好食，於是再黎第二次，睇下啲水準keep唔keep到先。今次同上次都隔左差不多一個月，所以menu都唔同左lu，不過依然係新張期間，所以有8折!!!今次我就揀左個咖喱雞，朋友就揀左牛扒。前菜有兩樣野，分別係磨菇湯(個menu叫得好聽啲---雜菌忌廉湯=P)、泰國魚餅同沙律。朋友重口味，鍾意個湯再濃啲啲，不過我就覺得岩岩好，磨菇粒粒好有口感，仲要加左啲黑松露令到個湯好香，鮮味強左好多，勁快就啪哂成碗湯! 泰國魚餅有少少少辣，不過就幾開胃，加埋少少沙律菜，個感覺都幾健康。食完前菜都已經有2成飽。主菜黎啦，個咖喱雞微辣香口，仲有啲香草吊味，雞肉嫩滑而且入味，撈飯食好正!我剷哂所!有!野!呀! 聽聞佢地個咖喱調左好多次味先有宜家個效果，好有心。我都偷食左朋友既牛扒，超有牛味呀，而且真係做到medium rare，唔會太老太熟，我覺得件扒有8.5分咁香!雖然塊扒有啲薄，不過勁大塊，覆蓋左成隻碟咁滯，加埋啲配菜，個男仔朋友都食到好飽。侍應們好有心，時不時過黎問下我地有無咩意見，我朋友就話牛扒啲汁多左啲，怕會蓋過牛香，點知過左一陣，佢地就話同廚房反映左意見，下
今次同上次都隔左差不多一個月，所以menu都唔同左lu，不過依然係新張期間，所以有8折!!!
今次我就揀左個咖喱雞，朋友就揀左牛扒。前菜有兩樣野，分別係磨菇湯(個menu叫得好聽啲---雜菌忌廉湯=P)、泰國魚餅同沙律。朋友重口味，鍾意個湯再濃啲啲，不過我就覺得岩岩好，磨菇粒粒好有口感，仲要加左啲黑松露令到個湯好香，鮮味強左好多，勁快就啪哂成碗湯! 泰國魚餅有少少少辣，不過就幾開胃，加埋少少沙律菜，個感覺都幾健康。食完前菜都已經有2成飽。
主菜黎啦，個咖喱雞微辣香口，仲有啲香草吊味，雞肉嫩滑而且入味，撈飯食好正!我剷哂所!有!野!呀! 聽聞佢地個咖喱調左好多次味先有宜家個效果，好有心。我都偷食左朋友既牛扒，超有牛味呀，而且真係做到medium rare，唔會太老太熟，我覺得件扒有8.5分咁香!雖然塊扒有啲薄，不過勁大塊，覆蓋左成隻碟咁滯，加埋啲配菜，個男仔朋友都食到好飽。
侍應們好有心，時不時過黎問下我地有無咩意見，我朋友就話牛扒啲汁多左啲，怕會蓋過牛香，點知過左一陣，佢地就話同廚房反映左意見，下次會汁同牛分開上喎!真係好有心，同埋會聽顧客意見呀!!!!!!
個lunch set加多$15有cheese cake食，由於個朋友唔好甜野，所以我自己加左一件甜品，點知件蛋糕到左，佢試左一啖之後就停唔到，食左一半! 件蛋糕甜度適中，唔會太膩，芝士味夠香同幼滑，同埋好開心佢有啲生果，個半隻柑好甜好好食，我又清哂成碟上面既食物，一滴都無留底。
成個lunch份量岩岩好，環境又好舒服，坐底可以傾到計。我見到佢仲有個音樂位，原來晚市有人會jam下歌，好似幾chill咁。
Post