Cha Cha

上次去台灣都無太多時間慢慢試台式食物，發現豉油街有間環境唔錯的台式料理，天氣又熱，即刻二話不說走入去坐低，店舖裝修以白色及簡約為主，好有清新寧靜的感覺，睇睇餐牌，可以選擇的食物同飲品都唔少，叫左個沙茶牛肉鍋，可自選辣度，鍋內除主菜牛肉，仲有14款配料，足料，麻辣臭豆腐，同港式炸的不同，另有一番味道，辣味恰到好處，唔會蓋過臭豆腐味，鹽酥雞扒，外皮酥脆，仍可保存雞扒肉汁，酥炸花枝墨魚丸，粒粒花枝有口感，金牌烤羊肉串同燒豬大腸，睇到師傅係好用心燒，香，脆，軟，惹味真係集於一身。飲品大大杯，可以慢慢飲。