Jiangnan Taste (Closed)

今日外母生日，第一次試呢間上海菜。一行17人大約5點半鐘去到酒樓，佢哋預咗間房俾我哋打麻雀,間房雖然細細哋，但都有電動麻雀枱，有驚喜！打到咁上下，唱完生日歌，切蛋糕，好有心思咁幫我哋分好哂啲蛋糕。到開席，覺得啲餸無論味道同擺設都好有心機。酒樓經理每一道餸都會簡單介紹。份量同味道都好好，唯一美中不足之處就係張枱唔夠大，擺唔晒啲餸。當晚食嘅生炒糯米蟹，葱油脆皮雞都好出色。相信係舖仔細細，大廚能夠嚴謹控制品質，外母同屋企人食完都好滿足。會番去再食過。

1

味道好，煙煙韌韌，正！

1

原條酸菜星斑，滑到不得了。

小籠包，皮薄多汁。