所以收工就狗衝，由火車站行去都一直有瓦遮頭，唔怕哂，途經d商場又有冷氣，都易行。
去到明記美食，見有位就即刻坐低，淨係叫左個菠蘿蛋（因為諗住食完個菠蘿蛋就去隔離食牛腩面），等左陣都有10分鐘，就到左。其實心諗，點解整咁耐，人地黎遲過我都有野食緊🥲 黎左之後，我終於明點解！
首先，個蛋皮非常薄，又唔老，咁煎係有一定既技巧。黎到已經切左，容易食。食落去好香蛋味，而且入面個菠蘿包係㩒扁左黎烘到好脆，菠蘿包個個面又甜甜地，味道其實有d似西多士，味道係夾既，都唔錯幾好味，又幾特別。
食完之後結果係滯既，22蚊就食到我好飽，唯有下次先再食牛腩面🤭
