兩三碗車仔麵 (Moved) New Location

今日母親節🌷，同個仔落街拍住拖去搵食慶祝下先🎊行黎行去，阿仔又話想食麵，於是決定去兩三碗車仔麵，比佢見識下咩叫車仔麵🤗黎到呢度，當然係食招牌豬頸肉同墨魚春卷啦，仲揀左阿仔至愛的蠔油冬菇同烏冬，大熱天配埋杯凍奶茶，加多碟菜心，我地唔客氣啦🥢墨魚春卷~必食之選。上枱時，墨魚春卷沒有放入湯內，即吃上口，係新鮮炸起，非常脆口，春卷內的墨魚滑係彈牙嘅，真係好食。招牌豬頸肉~名不虛傳，好食，好爽口，又夠味，要同阿仔分，唔夠喉，早知叫一碟淨食豬頸肉😎蠔油冬菇~冬菇好厚肉，又夠入味，好食過好多出名的車仔麵店。車仔麵店的墨魚春卷係呢度特有，又係自家制，見到姨姨係度努力包墨魚春卷，非常有誠意，又好食，讚👍整體而言，雖然呢度只係車仔麵店，但兩三碗呢度食物唔會求其，而且用心制作，連阿仔都大讚每樣食物都好好食，事實真係好食過好多出名的車仔麵檔。