八沢 (霎東街) (Closed)

係Times square附近行過，睇門面覺得幾小清新，就決定入去試吓，估唔到咁有驚喜！安格斯肉眼扒掛烏冬，招牌菜之一，烏冬是熱熱的，夾起上嚟唔會一餅野，撈埋個醬汁食，甜甜地，有啲蒜味，好好食！牛扒都幾香，平時食牛扒我就叫開五成熟，所以如果呢個扒可以再生少少就好啦。另一招牌菜就係黑松露忌廉海鮮烏冬，湯底好重忌廉味，黑松露份量都唔少，幾有特式紫薯餅餡了好多，好香紫薯味。牛乳忌廉餅，又係我另一至愛，果然又香又軟滑飲品有薑蜜糖冰糖紅棗雪梨茶，都幾有特色，唔太甜，好過飲凍檸茶！