牛市 (Changed Hand)

係銅鑼灣購物後，行行下去到灣仔軒尼詩道，肚仔有啲餓，但食肆林立，有點選擇困難症，見到小店「牛市」，招牌真材實料，絕無味精，就一於同媽咪試一試吧！我和媽咪分別叫咖喱牛腩米粉同埋牛坑腩河。食物上桌嘅時候已經聞到牛腩嘅香味，主角牛坑腩充滿牛味,又非常軟熟，加上湯底鮮甜，係用牛骨熬製多時的，配菜蘿蔔都好入味，冇渣，配上桌上放了的自家製辣椒醬，口感一流。我嘅咖哩牛腩米都有驚喜，特別咖哩汁略帶椰香味，富東南亞色彩，微甜又唔太辣，整體份量不少，又有我喜愛嘅牛筋同埋入味薯仔。見佢麵上面加了少許黑蒜油，味道更上一層次。自製飲品都唔錯，我嘅洛神花雪梨茶好飲，洛神花酸酸地加上帶有微微甜味嘅雪梨。而媽咪的金羅漢果花旗參茶就甘甘地，飲到最底仲見到花旗參片。最後我很欣賞老闆陳大哥嘅工作態度，見佢殷勤招呼客人，又樂意與客人交談，諮詢意見，絕對係誠意十足，原汁原味，材料十足嘅專門店。