Video
Read full review
2020-10-30
112 views
曾幾何時喺香港引入咗古早蛋糕嘅時候，好多人都會去排隊選購，時至今日，售賣古早蛋糕嘅店舖已經開到成行成市，而且開始有點粗製濫造。喺競爭咁大的環境下，要突圍而出，就一定要用心做而且夠正宗，先能夠留住客人嘅胃。最近終於搵到喺深水埗有一間叫囍源嘅古早蛋糕，味道正宗，位置便利，終於能夠喚醒我對古早蛋糕嘅期待。囍源古早蛋糕位處於北河街及汝州街交界，喺北河街排檔後面，由深水埗港鐵站A2出口靠右直行50米就可到達。佢哋係用真蛋糕做display，實物清晰可見，每件都有唔同嘅花紋，好有心思，仲唔介紹俾客人摸display蛋糕，所以好易認。囍源嘅古早蛋糕有超過40款不同配搭，店外清楚列明當日推出嘅款式同口味。不過其實要知道佢當日出售嘅口味一啲都唔難，佢哋會喺社交平台公布翌日推出嘅口味，熟客仔就識得一早打電話去預留晒。因為製作需時，有啲口味可能每日只會限量供應12件，所以想食嘅朋友可預先打電話去落單熱線2669 9888預留，仲可以預留一星期嘅貨，咁就確保買到心頭好。而且仲可以預早訂原盤做生日蛋糕，口味餡料任你配搭，服務夠晒貼心。店主超好人，唔怕你煩最緊要你有興趣聽，佢會好用心咁介紹佢哋嘅產品。店主話正宗嘅
最近終於搵到喺深水埗有一間叫囍源嘅古早蛋糕，味道正宗，位置便利，終於能夠喚醒我對古早蛋糕嘅期待。
囍源古早蛋糕位處於北河街及汝州街交界，喺北河街排檔後面，由深水埗港鐵站A2出口靠右直行50米就可到達。佢哋係用真蛋糕做display，實物清晰可見，每件都有唔同嘅花紋，好有心思，仲唔介紹俾客人摸display蛋糕，所以好易認。
囍源嘅古早蛋糕有超過40款不同配搭，店外清楚列明當日推出嘅款式同口味。不過其實要知道佢當日出售嘅口味一啲都唔難，佢哋會喺社交平台公布翌日推出嘅口味，熟客仔就識得一早打電話去預留晒。因為製作需時，有啲口味可能每日只會限量供應12件，所以想食嘅朋友可預先打電話去落單熱線2669 9888預留，仲可以預留一星期嘅貨，咁就確保買到心頭好。而且仲可以預早訂原盤做生日蛋糕，口味餡料任你配搭，服務夠晒貼心。
店主超好人，唔怕你煩最緊要你有興趣聽，佢會好用心咁介紹佢哋嘅產品。店主話正宗嘅古早蛋糕係要焗3小時，低溫慢焗先可以做到唔燶邊唔燶底。而且佢哋嘅蛋糕係低糖少油，所以男女老幼都啱食。
囍源仲會喺IG/FB不定時推出優惠同有獎問答遊戲，所以記得follow有著數！如果show俾店員睇係經IG介紹仲會每件減$5。佢仲有推出印花卡，儲滿整張印花卡就免費送原味古早蛋糕一件。
喺同店主傾談關於古早蛋糕同烘焙心得嘅時候，咁啱就見到一盤新鮮出爐嘅古早蛋糕，職員撕開焗爐紙嘅時候，見到蛋糕邊同底果然係唔燶㗎😱
然後店員就會攞出專用嘅器具去分割蛋糕再入盒，過程相當嚴謹，一絲不苟，確保每件蛋糕大小一致。
因為實在太吸引，最後我就浩浩蕩蕩地買咗三個蛋糕返屋企，同家人分享。
首先試嘅係流沙奶黃味，第一啖食落去，果然感覺到佢嘅出品係低糖少油，而且入口非常綿密濕潤，同其他古早蛋糕好唔同，流沙奶黃餡料非常幼滑，跟原味蛋糕嘅味道非常匹配。
流沙奶黃
9 views
0 likes
0 comments
原味芋泥
3 views
0 likes
0 comments
咖啡核桃
2 views
0 likes
0 comments
後記：食唔晒嘅古早蛋糕可以放入雪櫃儲存冷藏，拎返出嚟凍食又得，或者擺入電飯煲用保溫功能翻熱又得。用電飯煲翻熱之後，就好似新鮮出爐一樣咁好味！好開心喺我經常出沒嘅深水埗區搵到呢間咁正宗嘅古早蛋糕店，我一定會keep住嚟幫襯！
Post
