羅麥記 (青衣城1) (Closed)

以前好少嚟青衣城 因為淨係有街行 冇乜嘢食 但係最近都開咗唔少新嘅餐廳 好似呢間羅麥記 佢個裝修超特別一入到去有霓虹光管造嘅全院滿座四隻大字 原來係用咗戲院嚟做主題 入面嘅壁畫都係知名嘅港產片人物角色做藍圖而畫嘅 好有趣 影咗幾張相就即刻叫嘢食 打開個餐牌又係另外一個驚喜 作為design jj嘅我見到個餐牌排版超靚 隻眼即刻變咗心型 起碼欣賞咗十分鐘去嘅排版 先捨得叫嘢食 整到好似雜誌一樣咁靚 真係好有心思 叫咗個焗咖哩牛腩飯 好得意 同其他焗飯一樣上面鋪咗芝士 而且焗法令到㗎哩汁收水夠乾身更濃郁 同埋炒底一齊食好夾 同時㗎哩汁嘅香料味亦足夠 牛腩炆得好林夠入味炭燒豬頸肉芝士撈丁 芝士汁都算重芝士味豬頸肉整得香口彈牙 流心粟米西多士 呢個配搭未食過 但係原來上臺係流沙鹹蛋黃味 唔知係唔係黎錯咗呀哈哈 不過好邪惡嘅咸蛋黃汁流出嚟 配上香脆嘅西多士一齊食 有幾正 不過一個人食曬就有啲漏 都係share比較好 雙拼豬扒包 佢用咗兩種唔同做法同埋醬汁去做嘅豬扒包 一邊係乾煎配日式燒汁 一邊係吉列配沙律醬 兩個都好食 不過覺得豬扒略為乾身欠肉汁 兩個人食埋單二百幾 喺青衣城嚟講算平 而且食到