香煎北海道帶子拼蘋果木煙肉🥓 $168
呢個前菜係我食過最有層次嘅菜式之一😁煙肉係攞過獎嘅蘋果木煙燻肉，油脂味香又唔柴皮。帶子有慢煮嘅感覺，口感好彈但係唔硬🥰兩樣都好juicy🥰另拌有牛油果醬、蕃茄他他同果皮果醬，又增加咗味道嘅層次感。
龍蝦湯🦞$118/1 跟蒜蓉包🧄
如果可以嘅話，個蒜蓉包我會比101分🤣外脆內軟又熱辣辣，蒜蓉味香，仲要切開一片片一口大小👍無得頂。龍蝦湯好香濃，質地都好夠creamy😊
黑松露野菌蘑菇意大利飯🍄$158
唔知點解份量好多但唔係好滯，可能因為菇味香。意大利飯硬身爽口，都好正宗👍
焦糖布甸🍮$28
蛋味同焦糖都香，口感密而軟。
忌廉粟米🌽
面層鋪滿焗咗嘅芝士🧀，下面都好creamy, 好襯粟米嘅清甜。
炸蕃薯條🍟
我個人嚟講鍾意蕃薯條多過薯條🍠甜甜地好正。
熱/凍檸茶🍋
清底好清但唔會好甜👍
