中間界餐廳 (Closed)

我成日周圍去食西餐, 有日去北角入左一間叫中間界餐廳既西餐食, 起初覺得個名吸引入去, 原來入面d野, 好好味, 一食就知道係用心之作, 唔似得出面果d扒王之王, 花園, 名寶石等等, 我地食左幾個小食, 蜜汁燒墨魚丸, 蜜煻雞中翼, 鮮露筍牛肉卷, 炸日本生蠔, 已經讚不絕口, 跟住再叫左德國咸豬手, 豬手個皮好脆呀, 香草海鮮意粉, 個香草醬係自己做, 紅酒牛尾, 超"正", 羅宋湯又濃又香, 我問個侍應, 佢話老闆係酒店出來既廚師, 佢每日都會係鋪頭煮野, 所以出品一定有保證, 事問依家有幾多間餐廳每日都有個老闆係鋪頭出品食物, 唔係連鎖既, 就係個老闆亦未必有料可以煮出好味既食物~ 相信要食好味, 又超值既野, 一定要去呢d鋪頭先可以^^