吔咩嗲 吔嘢事無所

Open Now

Now Closed

結論講起，食物質素好有誠意，服務殷勤，價錢又合理，如果我住呢頭，或者喺呢頭返工，呢間一定會係飯堂👍呢度開咗唔係好耐，我唔係住呢區，搵到呢個位都唔係咁容易。餐廳用咗日式木系風格，感覺溫馨舒適，食飯或者飲杯嘢食個甜品都好合適朋友見肚餓，揀咗一汁多菜午餐定食，如果唔揀要加錢嘅項目，四款配菜，跟埋個湯同埋飲品，都只係$88 ，抵過去連鎖Cafe食日式三餸飯😂叫咗兩個套餐，已經擺到好豐富，而且有菜有肉，非常健康🍀叫咗兩set三款熱菜加一款冷菜，加埋成8款餸，勁豐富！好多款都做得幾出色，根據自己口味，介紹幾款必食推介😍清酒味醂煮蠔（+$20）雖然要加錢，但呢個真係好值得，蠔仔唔係好大隻，但隻隻都好鮮味，加上醬汁煮得非常入味，用嚟送飯非常出色安格斯牛節瓜卷配自製洋蔥蘋果醬（+$20）真係禾稈冚珍珠，上枱其貌不揚，但擺入口，牛肉嘅味香濃，夾埋中間一片節瓜平衡油膩感，另外洋蔥蘋果醬令成件事再清爽咗，感受到廚師嘅誠意👍左口魚秋葵伴柚子醬櫻花蝦（+$20）我本身好鍾意食秋葵，但未試過夾埋左口魚嘅油香，兩者出奇地夾，加埋櫻花蝦嘅口感，呢個健康又清新嘅配搭為呢一餐加唔少分加錢嘅項目係非常出色，完全值回票價，唔駛