Video
Read full review
2022-10-13
39 views
今日經過太子呢間新開既串燒店，見到環境企理乾淨，而且係少見既日式串燒，決定買外賣返屋企試下。呢到既串燒全部都係即叫即燒，可能要等耐少少。不過好彩門口有櫈仔比你坐，亦都可以選擇坐係到食。✨紫蘇無骨雞翼一開頭以為係用紫蘇葉調味，但估唔到原來係雞翼啲肉包住左塊紫蘇葉。不嬲都唔太中意紫蘇葉陣味，但呢個真係好正！雞翼既脂肪含量比較高，加左紫蘇葉之後，除左增添風味之外，仲冇咁膩。而且食雞翼唔洗lur骨真係好正！✨雞心串好少地方有燒雞心，見到就即刻叫左！雞心唔會有血味，燒得出面帶少少微脆，入口爽嫩多汁，唔會過熟難咬，點附送既辣椒粉黎更惹味。✨焦糖菠蘿估唔到份量咁多！菠蘿夠甜，燒過之後啲汁濃縮左，一咬落口就爆哂出黎。而菠蘿外層加左少少糖，食落去有烤焦效果，令味道更突出。✨豬頸肉串同平時一舊舊既豬頸肉串燒唔同，呢到既豬頸肉切到比較薄，反而燒到成串都好脆，加埋豬油既香同外層醬汁既甜，變左好似食緊新燒出爐既叉燒咁，幾新鮮。✨雞皮串&雞軟骨串雞皮串同雞軟骨串燒到脆卜卜，燒過之後大部分雞油已經被迫出，唔會食落成口油咁，好似食幾多串都唔夠喉咁，最啱送酒！✨蒜香牛油雜菌咁啱冇唒雜菌轉左金菇，但一樣無損佢既美味。牛油
今日經過太子呢間新開既串燒店，見到環境企理乾淨，而且係少見既日式串燒，決定買外賣返屋企試下。呢到既串燒全部都係即叫即燒，可能要等耐少少。不過好彩門口有櫈仔比你坐，亦都可以選擇坐係到食。
✨紫蘇無骨雞翼
一開頭以為係用紫蘇葉調味，但估唔到原來係雞翼啲肉包住左塊紫蘇葉。不嬲都唔太中意紫蘇葉陣味，但呢個真係好正！雞翼既脂肪含量比較高，加左紫蘇葉之後，除左增添風味之外，仲冇咁膩。而且食雞翼唔洗lur骨真係好正！
✨雞心串
好少地方有燒雞心，見到就即刻叫左！雞心唔會有血味，燒得出面帶少少微脆，入口爽嫩多汁，唔會過熟難咬，點附送既辣椒粉黎更惹味。
✨焦糖菠蘿
估唔到份量咁多！菠蘿夠甜，燒過之後啲汁濃縮左，一咬落口就爆哂出黎。而菠蘿外層加左少少糖，食落去有烤焦效果，令味道更突出。
✨豬頸肉串
同平時一舊舊既豬頸肉串燒唔同，呢到既豬頸肉切到比較薄，反而燒到成串都好脆，加埋豬油既香同外層醬汁既甜，變左好似食緊新燒出爐既叉燒咁，幾新鮮。
✨雞皮串&雞軟骨串
雞皮串同雞軟骨串燒到脆卜卜，燒過之後大部分雞油已經被迫出，唔會食落成口油咁，好似食幾多串都唔夠喉咁，最啱送酒！
✨蒜香牛油雜菌
咁啱冇唒雜菌轉左金菇，但一樣無損佢既美味。牛油落得夠多，可以帶出菇嘅鮮味。而蒜蓉入面都加左其他香料，所以味道超香，非常惹味。
Post
