南本草是涼茶鋪還是咖啡廳？之前就聽朋友提到火麻仁拿鐵，一直都好有興趣，今日專程過嚟打卡，果然冇令我哋失望。
1
店內懸掛「涼茶研究所」橫匾，將涼茶嘅養生概念帶入咖啡，新穎有創意，環境仲非常有風格，很有文青氣息。
火麻仁拿鐵
有葫蘆標誌拉花，賣相好特別，火麻仁拿鐵系冇咖啡因，佢系用火麻仁加燕麥奶冲嘅latte，火麻仁有護肝明目、改善失眠、消脂解壓️等功效，估唔到佢同燕麥奶咁夾，口感可以咁香滑，好似飲緊黑芝麻咖啡，另外配咗一粒杏仁，更帶出養生嘅概念。
雞蛋花接骨木花啡湯力
好特別！雞蛋花接骨木花涼茶我就飲過！用佢哋冲咖啡，我就第一次！真係有五花茶嘅清香，但飲落系咖啡，佢苦中帶有少少酸。用咖啡養生呢個概念真系好正！
玉子燒三文治
厚切玉子燒非常大塊，咬落去口感倍感輕軟同新鮮，玉子微甜充滿蛋香，一份有四大塊，非常滿足。
鹽漬櫻花雞絲·檸檬涼麵
口感非常清新，檸檬香味突出，涼麵爽口十分開胃，配上雞絲，口感層次豐富。
1
南本草 (荔枝角)
（荔枝角福榮街538號喜遇地下1號舖）
