一風堂 (香港逸東酒店) (Closed)

原來一風堂進駐香港已經10周年，為咗慶祝10周年，特別同安記海味聯乘合作，推出左一個Siphon(虹吸)十全高湯拉麵，加入安記海味製作，仲破格用沖咖啡嘅虹吸方式製作湯底，整個過程喺客人面前進行，就好似客人都有份參與製作一樣，好特別嘅體驗👍🏻高湯吸收晒食材嘅精華，當中包括安記元貝及金華火腿、日本鰹魚片、鯖魚片、沙丁魚片同昆布等，所以鮮味十足，加熱蒸餾過嘅高湯好濃郁，顏色望落去仲好清，旁邊仲有安記元貝同金華火腿，配合埋日式拉麵簡直係中日合璧配料有慢煮豬柳叉燒同慢煮雞叉燒，慢煮可以keep到肉質嫩滑，唔會煮過火，而且仲可以保留肉汁，無論係豬柳叉燒定係雞叉燒都好食，配合埋鹽味半熟蛋簡直係完美嘅配搭唔好睇小旁邊一小塊嘅檸檬，加咗檸檬汁落去成碗湯底嘅味道昇華左，多咗一份清新，反而仲更提鮮，大家不妨試吓加前加後嘅分別😋